¡Quiero un fíu tuyu , Madre Naturaleza!
de les tos colloraes nubes al atapecer,
de les nocturnes lluces qu'allumen el to techu,
de los esqueléticos texos qu'antañu t'adoraren.
Quiero un fíu de les tos agues,
del salitre claru del Maresme,
de les tristes foles de Tazones,
de los ríos nos que tantes vegaes me bañé , pero nunca nel mesmu ríu .
Quiero un fíu de les tos montañes ,
ya sea de Pierzu , d'Urriellu , del Mont Blanc o del Sueve ,
de los tos eternos desfiladeros
que como h.achazos de una diosa caprichosa colocárenlos ehí
Pero tengo claru que nun quiero un bastardu
que salga más a mí que a tí , querida.
Nun quiero'l fueu que te prende ,
ni l'hachu que te corte .
Nun quiero un pozu petrolíferu que te desangre,
nin una mina que t'esplote les entrañes ,
nin un bulldozer que extirpe'l to amazónicu pulmón
nin les putes fronteres que te parten
